बीपी राजमार्गमा सवारी साधन सञ्चालन समयावधि परिमार्जन

धुलिखेल । बीपी राजमार्गमा जेठ २२ गते (आज) देखि सवारी साधन सञ्चालनको समयावधि विस्तार गरिएको छ ।

जिल्ला सुरक्षा समिति काभ्रेपलाञ्चोक तथा जिल्ला सुरक्षा समिति सिन्धुलीको समन्वयात्मक निर्णयअनुसार गत वैशाख २२ गतेदेखि बीपी राजमार्गअन्तर्गत भकुण्डेबेसी–खुर्कोट सडकखण्डमा बिहान ५:०० बजेदेखि बेलुका ५:०० बजेसम्म मात्र सवारी साधन सञ्चालन गर्न अनुमति दिइएको थियो।

उक्त निर्णयलाई पुनरावलोकन गर्दै जेठ २२ गतेदेखि सो सडकखण्डमा सवारी साधन सञ्चालनको समयावधि विस्तार गरिएको हाे । नयाँ व्यवस्था अनुसार बिहान ४:०० बजेदेखि बेलुका ६:०० बजेसम्म सवारी साधन सञ्चालन गर्न/गराउन पाइने निर्णय भएको जिल्ला सुरक्षा समितिले जनाएको छ।

सवारी चालक तथा यात्रुहरूलाई तोकिएको समयावधिभित्र मात्र यात्रा गर्न तथा सम्बन्धित निकायले जारी गरेका सुरक्षा निर्देशनहरूको पालना गर्न अनुरोध गरिएको छ।