सुनको मूल्यमा सामान्य गिरावट, कतिमा हुँदैछ कारोबार ?

काठमाडौँ । नेपाली बजारमा मंगलबार सुनको मूल्य  सामान्य घटेको छ । आज प्रतितोला २०० रूपैंयाँले मूल्य घटेको हाे । नेपाल सुनचाँदी व्यवसायी महासंघका अनुसार आज प्रतितोला सुनको मूल्य २ लाख ८३  हजार ८०० रूपैंयाँ कायम भएको छ ।

याे हप्ता आइतबार प्रतितोला १ हजार ८०० रूपैंयाँले मूल्य घटेको थियाे भने साेमबार ८०० रूपैंयाँले मूल्य बढेको थियाे ।

गत हप्ता आइतबार १ हजार ६०० रूपैंयाँले मूल्य बढेको थियाे भने साेमबार १ हजार ४०० रूपैंयाँले मूल्य बढ्याे । यस्तै मंगलबार ४ हजार ३०० रूपैंयाँले मूल्य घट्याे ।

यस्तै बुधबार भने एक हजार रूपैंयाँले मूल्य घटेको थियाे भने बिहीबार ८०० रूपैंयाँले मूल्य बढेको थियाे ।

यता आज चाँदीकाे मूल्य भने बढेकाे छ । ३०  रुपैयाँले बढेर एक तोला चाँदीको मूल्य ४  हजार ३८०  रुपैंयाँ कायम भएको छ ।

गत माघ १५ गते बिहीबार सुन र चाँदीकाे मूल्य हालसम्मकै उच्च विन्दुमा पुगेकाे थियाे । त्यस दिन सुन प्रतिताेला ३ लाख ३९ हजार ३०० र चाँदी ७ हजार ५०५ रुपैंयाँमा काराेबार भएकाे थियाे ।