२०८३ असाेज ६ गते मंगलबार, यस्तो छ आजको राशिफल

काठमाडौँ । २०८३ असाेज ६ गते मंगलबार, तदनुसार २२ सेप्टेम्बर २०२६ । यस्ताे छ आजकाे राशिफलः
मेष
पारिवारिक सहयोगले गर्दा अधुरा योजना अघि बढाउन मद्दत पुग्नेछ । रोकिएका काम बन्ने र नयाँ कामको थालनी गर्ने राम्रो अवसर मिल्नेछ ।
वृष
योजना बनाएर मात्र काम सुरु गर्दा सम्भावित जोखिमबाट बच्न सकिनेछ । आर्थिक कारोबार गर्दा सचेत रहनुपर्नेछ र अनावश्यक खर्च बढ्न सक्छ ।
मिथुन
नयाँ सम्पर्कहरूले भविष्यका निम्ति फाइदाजनक बाटो खोल्नेछन् । आम्दानीका नयाँ स्रोतहरू पहिचान हुनेछन् र साथीभाइको राम्रो साथ मिल्नेछ ।

कर्कट
जिम्मेवारी बढ्नाले आफ्नो क्षमता प्रदर्शन गर्ने उपयुक्त मौका पाइनेछ । सामाजिक मान–प्रतिष्ठामा वृद्धि हुनेछ र कार्यक्षेत्रमा कामको प्रशंसा हुने योग छ ।
सिंह
सकारात्मक सोचका साथ अघि बढ्दा लक्ष्य प्राप्त गर्न सहज हुनेछ । रोकिएका काम सुचारु हुनुका साथै धार्मिक तथा सामाजिक कार्यमा रुचि बढ्नेछ ।

कन्या
यात्रा गर्दा र बोलीको प्रयोगमा संयमता अपनाउनु उचित हुनेछ । स्वास्थ्यमा सामान्य उतारचढाव आउन सक्ने भएकाले खानपानमा विशेष ध्यान पुर्याउनुहोला ।
तुला
आपसी समझदारी बलियो बन्नाले पारिवारिक सम्बन्ध अझ सुखद रहनेछ । साझेदारी तथा व्यापार व्यवसायमा राम्रो फाइदा हुनेछ ।
वृश्चिक
विरोधीहरू कमजोर पर्नेछन् भने आफ्ना योजना कार्यान्वयन गर्न समय अनुकूल छ । प्रतिस्पर्धात्मक काममा सफलता मिल्नेछ र आँटेका योजना सहजै पूरा हुनेछन् ।

धनु
रचनात्मक सोचले मन प्रसन्न राख्नुका साथै नयाँ दिशा देखाउनेछ । अध्ययन–अध्यापन र बौद्धिक कार्यमा उल्लेख्य प्रगति हासिल हुनेछ ।
मकर
महत्वपूर्ण निर्णय लिँदा हतार नगरी सोचविचार गरेर अघि बढ्नु हितकर हुनेछ । घरायसी काममा बढी समय बित्नेछ र आफन्तसँग सामान्य मतभेद हुन सक्छ ।

कुम्भ
छोटो तथा फलदायी यात्राको सम्भावनासँगै सहकर्मीको सहयोग प्राप्त हुनेछ । आत्मविश्वास र पराक्रम बढ्नाले नयाँ काममा सफलता हात पर्नेछ ।
मीन
मिष्ठान्न भोजनको अवसर मिल्नुका साथै दिन रमाइलोसँग बित्नेछ । बोलीको प्रभाव बढ्नेछ र आर्थिक पक्ष सुदृढ बनाउने अवसर जुर्नेछ ।